Вшмукување на прав/струготини

Правта од материјалите како на пр. слоеви боја, некои видови дрво, минерали и метал може да биде штетна по здравјето. Допирањето или вдишувањето на таквата прав може да предизвика алергиски реакции и/или заболувања на дишните патишта на корисникот или лицата во околината.
Одредени честички прав како на пр. прав од даб или бука важат за канцерогени, особено доколку се во комбинација со дополнителни супстанци (хромат, средства за заштита на дрво). Материјалите што содржат азбест смеат да бидат обработувани само од страна на стручни лица.

• Затоа, доколку е возможно, користете соодветен вшмукувач за прав за материјалот што се обработува.
• Погрижете се за добра проветреност на работното место.
• Се препорачува носење на маска за заштита при вдишувањето со класа на филтер P2.

Внимавајте на важечките прописи на Вашата земја за материјалот кој го обработувате.

Монтирање на адаптер за всисување (види слика E)

Ставете го адаптерот за всисување (25) на исфрлувачот за струготини (14) додека не се вклопи. Обезбедете го адаптерот за всисување (25) дополнително со завртка (26).

На адаптерот за всисување (25) може да се приклучи црево за всисување со дијаметар од 35 mm.

• Адаптерот за всисување не смее да се монтира без приклучено надворешно всисување. Инаку каналот за всисување може да се запуши.

• На адаптерот за всисување не смее да се приклучува ќеса за прав. Инаку системот за всисување може да се запуши.

Заради обезбедување на оптимално всисување, адаптерот за всисување (25) мора редовно да се чисти.