Ставање во употреба

Со прекинувачот за запирање на удари/вртежи (13) изберете го начинот на работа на електричниот алат.

  • За да го промените начинот на работа, притиснете го копчето за отклучување (12) и свртете го прекинувачот за запирање на удари/вртежи (13) во саканата позиција додека не слушнете дека се вклопил.

Напомена: Променете го режимот на работа само доколку електричниот алат е исклучен! Инаку електричниот алат може да се оштети.

Позиција за ударно дупчење во бетон или камен

Позиција за Дупчење без удари во дрво, метал, керамика и пластика како и за Завртување

Со прекинувачот за менување на правецот за вртење (8) може да го промените правецот на вртење на електричниот алат. Доколку прекинувачот за вклучување/исклучување (10) е притиснат ова не е возможно.

  • Прекинувачот за менување на правецот на вртење (8) активирајте го само кога електричниот алат е во празен од.

Правецот на вртење при ударно дупчење и дупчење секогаш поставувајте го на десен тек.

  • Десен тек: За дупчење и завртување на завртки притиснете го прекинувачот за менување на правец на вртење (8) налево до крај.
  • Лев тек: За олабавување одн. одвртување на завртки и навртки притиснете го прекинувачот за менување на правецот на вртење (8) кон десно до крај.

Напомена: доколку прекинувачот за правец на вртење стои во средна позиција прекинувачот за вклучување/исклучување е блокиран.

  • За вклучување на електричниот алат притиснете на прекинувачот за вклучување/исклучување (10).

Работното светло (14) при малку или целосно притиснат прекинувач за вклучување/исклучување (10) овозможува осветлување на работното поле при услови на слаба осветленост.

  • За да го исклучите електричниот алат, отпуштете го прекинувачот за вклучување/исклучување (10).

На ниски температури електричниот апарат дури по одреден период го постигнува целосниот капацитет на удари.

Бројот на вртежите/ударите на вклучениот електричен алат може да го регулирате бесстепено, во зависност од тоа колку подалеку ќе го притиснете прекинувачот за вклучување/исклучување (10).

Со нежно притискање на прекинувачот за вклучување/исклучување (10) се постигнува мал број на вртежи/удари. Со зголемување на притисокот се зголемува и бројот на вртежи/удари.