Всисување на прав/струготини

Избегнувајте да работите без мерки за намалување на прашината. Соодветен уред за всисување прав ја намалува количината на прав што е опасна по здравјето. Погрижете се за добра проветреност на работното место. Секогаш користете соодветна респираторна заштита. Затоа, доколку е возможно, користете соодветен всисувач за прав за материјалот што се обработува. Внимавајте на важечките прописи на Вашата земја за материјалот кој го обработувате.

Избегнувајте собирање прав на работното место. Правта лесно може да се запали.

Барања за всисувачот
Препорачан номинален дијаметар на цревото	mm	28
Потребен потпритисок^A)	mbar hPa	≥ 140 ≥ 140
Потребна количина на проток^A)	l/s m³/h	≥ 23 ≥ 82,8
Препорачана ефикасност на филтерот		Класа на прашина M^B)

A): Вредност на моќноста на приклучокот за всисување на електричниот алат

B): Според IEC/EN 60335-2-69

Следете го упатството на всисувачот. Престанете да работите кога ќе се намали моќноста на всисување и отстранете ја причината.

Всисувачот за прав/струготини може да се блокира поради прав, струготини или скршени парчиња од делот што се обработува.

Исклучете го електричниот алат и извлечете го струјниот приклучок од приклучницата.
Почекајте додека сечилото за пила целосно не дојде во состојба на мирување.
Откријте ја причината за блокада и отстранете ја.

За да избегнете опасност од пожар при сечење на алуминиум, испразнете го исфрлувачот на струготини и долниот поклопец за сечилото за пила и не користете всисувач на струготини.

Празнење на исфрлувачот на струготини (види слика f)

За отстранување на искршените парчиња на делот што се обработува и големите струготини можете да го испразните исфрлувачот на струготини (33).

Исклучете го електричниот алат и извлечете го струјниот приклучок од приклучницата.
Почекајте додека сечилото на пилата целосно не дојде во состојба на мирување.
Олабавете ги двете завртки (49) на заштитното капаче (48) со клучот со внатрешна шестаголна глава (9).
Завртките не можат целосно да се одвртат (заштита од губење).
Притиснете го затегнувачкиот лост (50) од долу и завртете го заштитното капаче (48) нанадвор.
При тоа, внимавајте заштитното капаче горе да биде притиснато кон плочата за заштита од прашина (51).
Исчистете го исфрлувачот на струготини (33) од искршените парчиња на делот што се обработува и струготините.
Завртете го заштитното капаче (48) повторно надолу додека не се заклучи затегнувачкиот лост (50).
Затегнете ги зартктие (49) на заштитното капаче (48) со клучот со внатрешна шестаголна глава (9).

Надворешно всисување (види слика g)

Приклучок Click&Clean: За да извлечете прашина и струготини, може или да поврзете црево за всисување со адаптерот за всисување (4) на заштитниот поклопец (3) или цревото за всисување заедно со адаптерот за всисување (32) на исфрлачот на струготини (33).

Цврсто поврзете го цревото за всисување (Ø 33 mm) на адаптерот за всисување (4) на заштитниот поклопец (3).

или

Прицврстете го адаптерот за вшмукување (32) на исфрлувачот на струготини (33).
Цврсто поврзете го цревото за всисување (Ø 39 mm) на адаптерот за всисување (32).

Всисувачот за прашина мора да е соодветен на материјалот на парчето што се обработува.

При всисување на особено опасни по здравје, канцерогени или суви честички прав, користете специјален всисувач.